10月18日(星期日)(360日)

姑姐特地為盈盈繪製的1歲扣章。上面個公仔真係好神似，特別係個髮型。

一早k就整鬼盈盈，係度用cookie mon嚇佢，仲攪到成朝無瞓過。

為了這次生日會做的banner，掛起來都唔錯，雖然有d偏色，但都幾好睇。今朝盡最後努力，採購飲品，同一些"濕星"野。攪一個生日會真的不是易事，不過1歲生日真的很有意思，可以讓大家見見一年後的盈盈是甚麼模樣，就好似個banner上面既相一樣，轉變都相當大，原來盈盈曾經係咁既樣。

佈置都攪左成半個鍾，雖然唔係好覺。結果盈盈落到黎既時候，竟然係瞓緊覺。而親友們也陸續抵達。

當盈盈醒來後，就開始喊了，可能係一醒見到咁多人，又爭住抱，所以嚇襯。結果全場要k抱住，不可以交給其他人。而[V]就要與兩邊親友聊而，也不能照顧盈盈。

稍稍平靜了的盈盈。

由姑姐送贈的生日蛋糕，賣相不錯，是芒果芯來的，好好食，盈盈都食左幾啖。漏了說，蝫蠟是爺爺送的，就是"happy birthday"的字，由於太長，在點蜡蠟時，不斷有蝫掉在蛋糕上。
其實我倆沒有準備甚麼活動，只是剛巧會所宴會廳有部電視，就剪輯了一段盈盈出生至1歲的片段在播放(都弄了幾晚的)，以及有部wii俾小朋友，想不到他們又幾鍾意玩。
比較遺憾的是食物預算出現偏差，不大足夠，攪到大家未必食得飽，深感抱歉。我和k回家後都要煮即食面吃！

回家後，盈盈立即回復正常。還在祈求要收到自己喜歡的禮物。

仲要係度摷禮物，"點解無我核要既野"

多謝大家出席，以及送贈的禮物、利是。雖然真的很累，但真的很有紀念價值。下次應該是盈盈3歲才會考慮再辦生日會了。